من طرف حنا الهواشم هل السيوف المخاضيب
ياقف لنا القـوم شمـوخ ومهابـه
وحنا هل الدين ومجمول المواجيـب
كسّابة الشرف لابـة ن بعـد لابـه
حنا هل الشجاعة وشب اللواهيـب
عدواننا قد صابهـم منـا الرّهابـه
حنا هل البيض بـروس المراقيـب
حناهل البيت وآله وحب الصحابـه
وحنا لياعكـر صافـي المشاريـب
حمّاية السّاقـة عزيزيـن الجنابـه
حنا لنا في سود الايـام تحاسيـب
كم مبتلي من لايحسب معنا حسابـه
طوال الشوارب عكّـاف الاشانيـب
لنا في دوحـة العزمركـى ورتابـه
وحنا لياصاح المنادي لـه نجيـب
خيّالة العوجـا واطيـات الشهابـه
حنا هل القالـه وجـود المعازيـب
والكـرم دايـم نمـوت ونحيـابـه
وحنـا دوا للجـروح المعاطـيـب
من طيبنا الـردي فاقـد ن صوابـه
وحنـا لعيـون الهيـف الرعابيـب
دونهـن ترمـح طويـلات الرقابـه
هل الثنا والمـدح لاشـك ولاريـب
موردين المنايا شجعـان وحرّابـه
وحنا هل العـز والجـود والطيـب
رضيعنـا فـرّاع ذيـب الذيـابـه
اولاد هاشم لكم مني زود التراحيـب
